www.dafa.com

ســبـحان الله وبحمده سـبـحان الله العظيم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 زمــن العجآئـب ( كآمله ) من تأليـفي

اذهب الى الأسفل 
كاتب الموضوعرسالة
همس الألم



عدد المساهمات : 4
تاريخ التسجيل : 11/05/2009

مُساهمةموضوع: زمــن العجآئـب ( كآمله ) من تأليـفي   الإثنين مايو 11, 2009 9:44 am

السلام عليكم


روآيتي بعنوآن زمن العجآئب


تحكي وآقع حيآتنا ...


وما وآجهه أبطالنا من نزآعاآآت وصرآآعات مع الزمـن ...



آتمنى آن تنآل على أعجآبكم


وارجو ذكر المصدر عند النقل


متمنيـه منكم النقد المنآسب اللذي يليق بالذآئقه الآدبيـه









تأليف الكآتبه همس الألم


مودتي لكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس الألم



عدد المساهمات : 4
تاريخ التسجيل : 11/05/2009

مُساهمةموضوع: رد: زمــن العجآئـب ( كآمله ) من تأليـفي   الإثنين مايو 11, 2009 9:45 am

زمــن العجائب




في صحوتـي وهمسي تداعبني الأحزان من كل آتجآه وليس في زمـن العجائب مايسمى بالمستحيلآت !! .

خذت نفس عميق لتسترخي ويهدي بالها بعد عناء الكبت الطويل اللي شالته على أكتافها , وكانت تناظر صالة البيت بنظرة حزن فجلست وسط الصالة
روئ : ماخلصتي من القهوة ؟
ريماس : لا
روئ : خذت كوب القهوة من يد ريماس المرتجفة فقالت : ريماس وش فيك ترتجفين ؟ وهي تناظر بيد ريماس
ريماس : يمكن برودة القهوة اللي ماطفت النار اللي تحرق قلبي , فدمجت يدها بيدها الثانية لتوقف ارتجاف يدها .

ريمـاس : فتاه طموحه , مرحه , ذكية , تمتع بالمزاجية , خيالها واسع
عمرها 24 سنه, متخرجة من كلية الآداب
رؤى: أسود طويل وعيونها وأسعه وطويلة القامة ووزنها 54 كيلو وطولها 172 سم .

رؤى : متخرجة من مرحلة الثانوية , تبلغ من العمر 20 سنه
جذابة , تتمتع بروحالطول.ة , طولها 165 سم , وزنها 54 كيلو
شعرها اسود ومتوسط الطول .

الأبناء:ب الأم: وضحى
الأبناء : خالد – مشعل
البنات : ريماس – روئ – خلود


متعب : رجل يحب العزلة والانطوائية , كثير اللح , ولا يملك القليل من الصبر . لكنه هادسنه,لا يحب الإتكالية .
عمره 51 سنه , موظف بسيط في شركة الحديد ,
متوسط القامة ويبلغ طوله 169 سم , ووزنه 70 كيلو

وضحى : امراءة تحب القراءة والتطلع لكل ماهو جديد من حيث الأزياء , والموضة , فهي تحب التفاخر والتجدد بحياتها
مربية منزل تبلغ من العمر 49 سنه , وطولها 163 سم , وزنها 56 كيلو

والبقيــة سنتحدث عنهم مع تتابع الأحداث وتسلسلها



الأم وضحى وهي تناظر بالمرايا اللي بغرفتها تلتمس بشرتها وما تركه الزمن من تجاعيد على وجهها.
وكانت خلود جايه لغرفة أمها والخوف ظاهر وواضح عليها فطرقت الباب وكانت مترددة إذا هالشيء بيساعدها !!
الأم وضحى : تفضل !
خلود: يـ... مـ ..ـه
خلود(كانت مرتبكة )
الأم وضحى التفتت على خلود اللي تناظرها بنظرات تردد وخوف : هـلا خلود وش بغيتي ؟
خلود : بس ب..ـغيـ..ت (فحاولت تجمع خيط وخيـط من الربكة )
الأم وضحى: خلود وش فيك مرتبكة وحالتك حاله ؟؟
خلود وضحى:شي يمه بس خايفه من الدراسة
الأم وضحى : روحي صلي ركعتين واقري لك شي من القران
خلود وبعد تفكير عميق: طيب
خلود:ضحى: جاء أبوك من العمل وألا ؟
خلود : لا
خلود:ضحى : طيب نادي ريماس وسكري الباب ورآك
خلود : طيب
وسكرت الباب ورآها ونزلت للصالة تنادي ريماس

خـلود : فتاه اجتماعيه , فضوليه , تحب التهور والتحدي
طالبة بالمرحلة الثانوية السنة الأخيرة ,عمرها 18 سنه , طولها 164 سم ووزنها 51 كيلو , شعرها بني فاتح وقصير ولون عيونها عسلي فاتح .

خلود وهي نازلة من الدرج سمعت أختها ريماس و روئ يتكلمون وكانت ريماس خايفه

ريماس : روئ تكفيـن قفلي هالموضوع بالذات لاعاد تفتحينه مره ثانيه
رؤى : ريماس وإذا ...... , سكتت رؤى متعجبة من إصرار أختها ونظرات عيونها الحادة اللي تلمع بالإرادة والتصميم
ريماس وهي تناظر خلود وكأنها سمعت شي من اللي حكوا فيه
خلود : ريماس
ريماس لحظتها ارتكبت وش كانت تبي منها خلود !
ريماس : هلا !
خلود : أمي تبيك
ريماس : طيب
وصعدت ريماس الدرج , ورؤى وخلود مستغربين من طلب أمهم لريماس بالذات !
بصوت مبحوح وخشـــن أحد جاي للصالة ويمشي بخطوات متثقله
: السلام عليـكم
رؤى وخلود: وعليكم السلام
رؤى : قواك الله يبا
الأب متعب : الله يقويك
خلود : تبي غداء يبا ؟
متعب : لا موب الحيـن , وين أمكم ؟
رؤى: بغرفتها
متعب : طيب جيبوا لي القهوة بمجلس الرجال
رؤى : حاضر يبا

وتناظر خلود خطوات أبوها الرايح لما اختفت ملامحه
رؤى : بوووووو
خلود : الله ياخذ إبليسك خرعتيني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس الألم



عدد المساهمات : 4
تاريخ التسجيل : 11/05/2009

مُساهمةموضوع: رد: زمــن العجآئـب ( كآمله ) من تأليـفي   الإثنين مايو 11, 2009 9:47 am


رؤى : اللي ماخذ عقلك يتنهى بو هههههههههههههههههههههههههه

بعدها مشت رؤى للمطبخ تحضر القهوة

في غرفة وضحى والحديث الصاخب بينها وبين ريماس
ريماس : بس
وضحى: لا بس ولا هم يحزنون, وكلي أمرك لربك ووافقي
ريماس : بفكر وبرد لك خبر
وضحى : طيب بس لاتطولين وتطيرين الرجال من يدك تراه ماينعاف
ريماس وكأن جبال تثقل على أكتافها وتزيد الهموم والمواجع والبراكين بتتفجر بداخلها من كثر الكبت ( ليتني أقدر بس أنسى هالدنيا وهمومها ) بعدها مشت وكأنها ضايعه تايهه والدموع مو راضيه تنزل تخفف هالالم

وتبقى الأسئلة في هذا الجزء محير وحزن ريماس يزداد ..
وخلود مترددة وخايفه ياترى من أبش ؟

........................................ ......................................


في عمل خالد
خالد : إذا فيه شي مهم خبروني أول بأول آنا الحين مشغول ولا تحولون لي مكالمات مفهوم
السكرتير : مفهوم سيد خالد
وقتها خالد كان مضغوط من العمل وخايف من الخساير بعد الأزمة العالمية اللي صارت في دول العالم اللي تسبب بخسائر مالية ونفسية وصحية .
اتصل خالد على المدير التنفيذي للبنك ووضح لها كل الخسائر المحتملة خلال الأشهر القادمة.

خالد : رجل طموح ومجتهد في عمله , ولكنه عنيد , ولا يقبل بالخسارة , يبلغ من العمر 27 سنه , وطوله 179 سم , ووزنه 80 كيلو , وسيم , جذاب , عيونه سوداء ووسيعه .

المدير التنفيذي للبنك ( حامد ) : وش تقترح علي يا خالد ؟
خالد : أقترح نسوي اجتماع عاجل عشان نقلص الخساير اللي ممكن تحصل .
حامد: زين, بكلم رئيس شؤون الموظفين يحدد يوم مناسب للاجتماع.
خالد:طيب بالانتظار
حامد : على خير

.....................................

ريماس وهي مهمومة فكرت بأعز صديقاتها اللي ممكن تخفف عنها وتساندها بظروفها , أخذت جوالها اللي على طاولة التسريحة لما وصلت لأسم ( غلا روحي ) ضغطت على زر الاتصال ويدها ترتجف

... : هلا وغلا برموووس
ريماس : هلا بك
نادين : شخبارك ؟
ريماس : بخير وأنتي ؟
نادين : نحمد الله
ريماس : أقول نادين ؟
نادين : أسمعك
ريماس : وش رأيك تجين عندي اليوم إذا مو مشغولة ؟
نادين : طيب باخذ الأذن من الأهل وارد لك خبر
ريماس : انتظرك
نادين : على خير

وقفلت نادين مستغربة من صاحبتها ريماس اللي صايره هاديه وكأنها مو ريماس اللي كلمتها !!

- في مجــــــــــــــــــــلس متعب

متعب : يعطيك العافية يارؤى
رؤى : يعافيك ربي , توصي على شي ثاني يبا ؟
متعب:: سلامتك يبا
رؤى : الله يسلمك
رؤى طلعت من المجلس وكــان مشعل تو داخل للبيت

مشعل : السلام عليكم
رؤى :عليكم السلام
مشعل : وش الغداء ؟
رؤى : مافي غداء اليوم
مشعل (وهو مصدوم ): وش تقولين ؟
رؤى ::ههههههههههه حلو شكلك تدري
مشعل وهو مستغرب : وش فيه شكلي ؟
رؤى : ولا شي
مشعل: طيب فيه غداء وألا اطلب لي من المطعم
رؤى: وش دعوه يصير يوم وما نطبخ
مشعل: طيب روحي حطي لي غداء يا أختي العزيزة
رؤى: طيب يا أخي العزيز

راحت رؤى تحضر الغداء ومشعل صعد لغرفته يبدل ملابسه
مشعل طالب بالمرحلة الجامعية , غير مبالِِِِِ للدراسة , يتمتع بشخصية اجتماعية , عمره 22 سنه , طوله 177 سم , وزنه 81 كيلو ,
شعره بني غامق .

...............................

الأم وضحى نزلت للصالة وكانت رؤى محضرة الغداء لأخوها مشعل
حطته على طاولة الأكل وجلست بالصالة

وضحى : لمين الغداء ؟
رؤى : لمشعل


رؤى : الغداء يااخي العزيز
مشعل : اها تسلم هالايادي يا أختي العزيزة
وضحى : هلا بمشعل
مشعل: هلا يمه شخبارك ؟
وضحى : بخير .. بس مو كنك جاي متأخر اليوم الساعة 4 العصر ؟
مشعل : ايه زحمة سير وبعدين اللي أخرنا الحادث اللي بالطريق سكروا الشارع الرئيسي بسببه
وضحى : ياساتر عسى الناس ماصار لهم شي ؟
مشعل : والله مادري بس من اللي شفته شكله خطير وكانت السيارة صادمة عامود اللمبة حق الشارع
رؤى وهي متأثرة من كلام أخوها : سترك يأرب
مشعل ووضحى : اللهم آميــن

.....................

- غرفة ريماس

ريماس وهي تتقلب مو قادرة تانادين,ها من كثر التفكير
وتناظر ساعتها تنتظر مكالمة نادين , أخذت الجوال اللي كان يرن
وطالع بالشاشة ( نادين يتصل بك ) فرحت شوي

ريماس : هلا يالدوبا مابغيتي
نادين : هلا رمووس , يلا شوي وجاية بجهز نفسي بس دقايق طيب
ريماس : خذي راحتك أهم شي تجين
نادين : طيب فديتك , أشوفك
ريماس : على خير


ناديــن : صديقة ريماس من أيام الدراسة كانت الأقرب لريماس في كل شي
ونعم الصداقة اللي تنبني على الوفاء والمحبة والتضحية,
نادين تتحلى بالأخلاق العالية, بشوشة, نشيطة, قيادية,
عمرها 25اسود, طولها 167 سم , وزنها 61 كيلو , مملوحه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس الألم



عدد المساهمات : 4
تاريخ التسجيل : 11/05/2009

مُساهمةموضوع: رد: زمــن العجآئـب ( كآمله ) من تأليـفي   الإثنين مايو 11, 2009 9:48 am

شعرها اسود , عيونها بني غامق . وملامح وجهها حادة بعض الشيء.
.........................

أصعب ملامح ... ملامح الزمن لا صار فيه البشر الحكم !
وأنا المحكوم عليه الإعدام !
وش المنتظر ؟
من ذرآت الصبر
أين المستقر ؟
لا صار مالك مفر
..............
كتبت خاطرتها ونزلت أول دمعة طفت ذرة براكين القهر
هيهات لا كنت المجروح وما لقيت لدواك طبيب !!!
أحساس ريماس كآن مثل هذا الإحساس !
- بيت أهل نادين
نادين كانت جالسه بالصالة تنتظر أخوها عمر, فررن جوالها وكان المتصل عمر ترد نادين
نادين : هلا عمر
عمر : يلا انتظرك عند الباب
نادين : طيب هذاني جايه
عمر : طيب
قبل لا تطلع نادين وكانت واقفه عند الباب الخارجي لحوش البيت نادها ابوها
الأب : وين رايحه يا نادين ؟
نادين : رايحه لصديقتي يبا
الأب: طيب بس لا تتأخرين
نادين : إن شاءا لله يبا , مع السلامة
الأب: الله معك
وسكرت نادين الباب ورآها وركبت السيارة اللي واقفه قدام بيتهم .
عمر : ساعة عشان تجين
نادين: أبوي نادني وتأخرت
عمر وعلامات التعجب عليه : وش كان يبي الوالد
نادين : ولا شي كالعادة لا تتأخرين
عمر يضحك على أسلوب أخته اللي موعاجبها كلام الوالد : ههههههههه وش تبينه يقولك يلا بنتي تأخري متى ماتبين وإذا بغيتي تنامين عادي نامي عندهم ؟
نادين : ياليت
عمر : ههههههههههههه رحمتك
نادين: ممكن تسوق وأنت ساكت
عمر: لأجل عين تكرم مدينة
نادين : زين
عمر : الأخ الأكبر لنادين , إنسان متواضع , يتملكه الحقد والكراهية , عنيد , قليل الصبر , يبلغ من العمر 28 سنه , طوله 180 سم , وزنه 70 كيلو , ومن صفاته السمار , ولون عيونه بني غامق , وشعره اسود طويل لكتفه .
- مجلس متعــــب
كان مشعل داخل للمجلس وسلم على الوالد
متعب : مشعل كيف الجامعة عساك فالح فيها ؟
مشعل وعلامات الخوف في وجهه : الحمد لله يبا
متعب : انتبه لدراستك ولا تكثر طلعاتك , ما عمري شفتك تمسك كتاب
أو تذاكره
مشعل ومو عارف يصرف أبوه بكلمه : حاضر يبا
متعب: أخوك خالد ماجا من العمل ؟
متعب:لا ماجا يمكن يتأخر شوي
متعب : الله يكون بعونه
مشعل: أمين

- بسيــــــــــــــارة عمر
اتصلت نادين على ريماس
نادين : هلا ريماس , آنا عند الباب الحين
ريماس : اوكي انزلي واطلعلك عند الباب
نادين : يلا
عمر : إذا خلصتي اتصلي علي اجيك
نادين : طيب , مع السلامة
عمر : الله معك
ودخلت نادين واستقبلتها ريماس بكل شوق
ريماس : تو مانور بيتنا
خلود وهي جايه لعندهم : وانأ أقول وش فيه زايد نور بيتنا
نادين : الله يسلمكم بس لاتبالغون هههههههه
رؤى وكانت تسمع أصوات الضحك بالصالة
خلود:وش هالجمعة الحلوة , نادين هينا
نادين : فديتكم والله
خلود : تدرون عاد
البنات : وشوووووو
خلود : ولا آنا ادري ههههههههههههههه
ريماس : على بالي عندك سالفة مالك داعي ههههههههههه
رؤى : من جد هههههههههههههههههه
نادين : بس حلوه ههههههههه
خلود (وهي تغمز لنادين) : نادين فاهمة علي
ريماس : ياهووو وش السالفة
رؤى : من جد صايرين مثل مع الخيل يا شقرا
البنات : ههههههههههههههههههههههههههههههههه
نادين: (ناويه تقلب الأجواء):... بنات
البنات : هلا
نادين: وش تعليقكم على أخر مباراة للنصر والهلال ؟
ريماس : آنا ما شجع إلا المنتخب
رؤى : والله النصر مو ذاك الزود , بس أهم شي طلعنا وراسنا مرفوع
خلود : الهلال مالعب زين , مو مستواه اللي تعودنا عليه
نادين: طيب أهم شي النصر بكل شي
ريماس : خلونا من الكورة , حامت كبدي
رؤى : ههههههههههههههههه رمووووس
نادين : ريماس
ريماس : هلا
نادين : يقولون انك مزهبه ذاك الحلى
ريماس : أي حلا
رؤى: : افا نسيتي
رؤى : شكلها نست
خلود : نادين لا تلمحين ههههه
ريماس : اهااا , توني استوعب السالفة
نادين : هههههههههههههههه صح النوم
ريماس : عن إذنكم شويات وجاية
رؤى : ثووووواني وجاية
خلود : ما بقى إلا آنا وأنتي
نادين : شكلي بلحق أختك
خلود : من جد روحي شوووفيها , مو طبيعية هاليومين
نادين : ليه , وش صاير
خلود : بس أنتي تعرفين أختي رمووس وفاهمة عليها
نادين: طيب ولا يهمك, بروح أشوف وش قصتها
خلود: حلو

وضحى توها نازله من الدرج, نادين لما شافتها سلمت عليها
نادين : هلا خاله شخبارك
وضحى : بخير يا بنتي , وأنتي شلونك وإخبار الوالدة ؟
نادين: الحمد لله كلنا بخير الله يسلمك
وبعدها الكل راح بطريقه ونزلت وضحى للصالة ونادين راحت لغرفة ريماس

- بعمل خالد
الساعة 7 مساء
خالد : صالح
صالح : هلا أستاذ خالد
خالد : آنا الحين طالع , أي مستجدات اتصل علي
صالح : إن شاء الله , لا تشيل هم
خالد: يلا فمان الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dafa
Admin
avatar

عدد المساهمات : 87
تاريخ التسجيل : 12/04/2009
الموقع : في قلبه اذا لي مكان

مُساهمةموضوع: رد: زمــن العجآئـب ( كآمله ) من تأليـفي   الأربعاء مايو 13, 2009 6:55 pm

رااااااااااااااااائعه cheers cheers cheers cheers



>>متابعه Very Happy Very Happy


>>لاتستعجلين علي رودود الاعضاء لان كلهم عيال مدارس Basketball


يسلمو همس Very Happy

دمتي ودام ابداع ورقى قلمك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dafa.ahlamontada.net
حـ ـً/ـ ـً/ـلآ
Admin
avatar

عدد المساهمات : 118
تاريخ التسجيل : 13/04/2009
الموقع : كوكب الحلوين

مُساهمةموضوع: رد: زمــن العجآئـب ( كآمله ) من تأليـفي   الخميس مايو 14, 2009 12:42 pm

يسلمووووووووووووووووووووو روووعه



دفااااا خليك يا ربت المنزل >ههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعه شقى
Admin
avatar

عدد المساهمات : 41
تاريخ التسجيل : 15/04/2009

مُساهمةموضوع: رد: زمــن العجآئـب ( كآمله ) من تأليـفي   الجمعة مايو 22, 2009 2:04 am

رووووووووووووووووووعه بس ياليت تنزليها كلها لان مافيني صبر>>>>>>>>> مطفوقه ومستعجله
انا قايله ماراح اقراء قصص بس عشانك راح اقراء ياهمس
يسلمو حبيبتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زمــن العجآئـب ( كآمله ) من تأليـفي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.dafa.com :: ♥ஓ♥ حكـى الراوى ْ♥ஓ♥-
انتقل الى: