السلام عليكم ورحمة الله وبركآته ..
كيف حالكم !
اللي حامل اللي يسهل عليـها .. !
واللي ماحملت الله يرزقها الولد الصالح او البنت الصالحه
واللي ماتزوجت .. تجي بس تقرأ موضوعي
كنت أسأل نفسـي ليـه مايجي نصيب !! وش فيني ..
انا الحمدلله (شديدة الجمال ) في كل شئ اللهم لك الحمد والشكر كآملـه
ليه ما أنخطب رسمي؟
ليه دايم يصير كلام بدون خطبه رسميـه !!!! ؟؟؟!!!
ليه الله ماوفقني ! ! ! ! ! !
جآني أحبـاط .. ألم نفسي .. حزن .. انعدام الثقه .. كئابه .. هم .. الخ
تعبت نفسيــــــــــــــــــــــــــ ا .. كل يوم أحس انه نهآيتي ..
مع أني ماني كبيره واجد ولكن مجتمعـنا ما يرحم .. اللي فوق الـ 21 عآنس ..
كنت أقول خلاص ماعاد ابي أفكر بالعرس بنسـاه وبشيله من بالي حتى ما أتحسر
صار كل همي افكر بالوظيفه حتى اذا حصل شئ لاقدر الله لأهلي (أمي وأبوي) ما أعيش في رجاء اخواني .. !
شفتوا شلون كنت يـائسهانا ماراح أهذر ولا راح أطول الموضوع اكثر من اللازم بس أبيكم تعرفوون ان فيه شغلات بحيآتي كانت (قبل) و (بعد)
وشوفوا ايش صار بحيآتي بعد !
قبل
1-الأغـاني : كنت أسمعها بشكل يومي وبشكل فظيـع حياتي هم وضعيفة نفس بسبب الأغاني .
2- المعوذات: ما أقرا معوذات لا عند نومي ولا في حيآتي اليوميه بشكل عام .. نفسيتي تتعب وحزينه ..
3- القرأن كتأب الله ما أقراه وما أشغل شريط قرأني وأسمع مستحـيل .. الرقيه الشرعيه ما أهتم فيها
3-الاستغفار ما أعرف الا (استغفر الله) ولا أقولـها الا قليل جدا جدا جدا .. ولا أعرف الصيغ الثانيـه يعني لاهييييييييييييييييييييه في دنيآآي
4- التسبيح ما اعرف الا سبحان الله ..
الدعـاء : يااااااه كيف قبل كنت غبيه ومستهيـنه !! آآآآآه آآآآه آآآآه
كنت مفكره بس الدعـاء (يارب نجحني في اختباراتي ) فقط فقط
يابنآت
لا يرد القضـاء الا الدعـاء
يعني سبحآن الله لو ربي كتب لج مصيبه ودعيتي ان ربج يحفظج صدقيني راح يحفظج ويزيل هالمصيبه
لو ربي مثلا كاتب لج (حادث في هذاك اليوم ) ودعتي اللهم أحفظني .. الله يحفظج من هالمكروه اللي كان بيصيبج
فكرت وفكرت وقلت لازم أغير حيآآآتي جذريـا
1- الأغاني : تركتها تدريجيـا وصرت ما عاد أحب اسمعها واكرهها وصرت اذا سمعتها اتضايق .. صرت انظر للفن (فسـاد) نفسيتي تعدلت
2-المعوذات : صرت أحرص عليـها اكثر من كل شئ .. صرت أقراها قبل النوم وبعد ما أصحى أقراها .. صرت كل ماكنت فاضيه اقراها .. صرت بين فتره وفتره قويـه ولا أي موقف يمر علي يأثر بهالسهوله صرت افتخر بنفسي .. وأشعر بأهميتي ..
3- صرت أقرا القرأن بعد كل صلاه صفحه على حسب استطاعتي .. صارت سورة البقره والرقيه الشرعيه شئ أساسي يشتغل بغرفتي .. يابنآآت ااه يابنآت راحه نفسيه عظيمه ..
بعد ماشغلت سورة البقره والرقيه الشرعيه .. صرت أعرف اذاكر امتحآناتي صارت الآم بجسمي وظهري عجزوا عنها الأطباء تشافت بعد القرأن اليومي .. علاقتي بأهلي تحسنت ميه وثمانين درجه .. البيت تغير بعد صرنا متفاهمين قبل مشآكل وهموم وحزن واشياء ياعلها ماتمر على حتى عدوووي ..
الحمدلله على كل حال ,, اللهم لك الحمد والشكر كما يبنغي لجلال وجهك وعظيم سلطانك ..
4- الاستغفار : يابنآت الاستغفااار شئ مهم في حيآتنا وصرت قبل ما أستغفر اتذكر كلام الرسول
من لزم الاستغفار جعل الله له من كل هم فرجا، ومن
كل ضيق مخرجا، ورزقه من حيث لا يحتسب
استغفر بنية الزوآج ...!
5-التسبيح : تغيرت صرت أسبح الله صبح ومسـاء ..
وَعَنْ أَبي ذَرٍّ رَضِيَ اللهُ عَنْهُ قَالَ : قَالَ لي رَسُولُ اللهِ صَلَّى اللهُ عَلَيْهِ وَسَلَّمَ : « أَلا أُخْبِرُكَ بِأَحَبِّ الْكَلامِ إِلى اللهِ ؟ » قُلْتُ يَا رَسُولَ اللهِ أَخْبِرْني بِأَحَبِّ الْكَلامِ إِلى اللهِ ، فَقَالَ : « إِنَّ أَحَبَّ الْكَلامِ إِلى اللهِ سُبْحَانَ اللهِ وَبِحَمْدِهِ »
6- الدعااء : يابنآت ماتصدقون .. اه ليتكم تشوفني اذا جيت أدعي ربي
دمووعي تملي مكآني .. انثر همومي نثر وأنا أدعي ..
ادعي بأن الله يوفقني ويزوجني عاجلآ غير اجل .. اهم شئ كنت ادعي ان الله يزوجني بنية احفظ نفسي وأعين زوجي على طاعته .. واكمل نص ديني ..
كنت انتظر لحظآت يطيح فيها المطر (وأرفع يدي) لله ..
كنت أقوم الفجر وارفع يديني لله ’’
يابنآت الله مايعجزه شئ أبدا أبدا أبدا ,, لاتيأسين ,,,
اللي خلق السموات والأرض .. اللي خلق هالنـاس .. تتوقعين مايقدر يرزقج رجل صالح ؟ !لاتخيبن املج بالله .. وخليج دائما ملازمه الدعاء ..
قال تعالى: (وقال ربكم ادعوني أستجب لكم) وقال تعالى: (وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون ).
وقال صلى الله علية وسلم : الدعاء هو العبادة ، ثم قرأ (وقال ربكم ادعوني استجب لكم ).
وقال صلي الله علية وسلم :أفضل العبادة الدعاء.
وقال صلي الله علية وسلم :ليس شيء أكرم على الله تعالى من الدعاء .
وقال صلى الله علية وسلم :إن ربكم تبارك وتعالى حيي كريم يستحيي من عبده إذا رفع يديه إليه أن يردهما صفرأُ خائبتين .
وقال صلى الله علية وسلم :لا يرد القضاء إلا الدعاء ولا يزيد في العمر إلا البر.
يابنات الحين صرت كل شئ أعتبره صدقه لله ..
تغيرت جذريا كل شئ أحتسب فيه الأجر
صرت العب مع الأطفال حتى أفرحهم (لي اجر)
صرت اعطي الفقير مو لأنها رحمه وبس (عشان لي أجر وبنية الزواج ) ..
صرت لما أصور أوراق أو أخدم الطالبات صديقاتي (لي أجر وصدقه )
كل شئ طيب بحيآتي اسويـه أحتسب فيه الاجر انتظر أجري عند ربي .. اصفي النيـه
ما أنكر اني كنت أسوي هالأشياء ولكن ما أحتسب الاجر عند الله .. ولا عندي مراقبه لله .. كنت أسويها وبس من باب الرحمه والطيبه
فقط ..
ولكن الآن كل شئ أسويـه للـه .. فقط
بعد 3 شهور من العمليـه والتغيير الجذري
تقدم لي ولد عمي (لكن مالي فيه نصيب) ..((تقدم رسمي))
وولد عمي هذا تعرفون شلون كنت أقول لو تنطبق السماء على الأرض ماهو جاي !!
مستبعده يجيني ..
وتقدم لي ولد خالتي وكلمت أمه أمي محاوله جاده للاتفاق على متى يجون الرجال يخطبون ولكن برضو ما ابيه .. وكنت ادعي اللهم عوضني خيرا منه ((تقدم رسمي))
وتقدم لي واحد بعيد ولكن أهلي ماوافقوا عليه بحكم انه بعيد والله يستر عليه مايبون ((تقدم رسمي))
كل هذولي في خلال شهرين تقدموا ..
وكنت في كل واحد رفضته اقول اللهم عوضني خيرا منه .. لانهم أبدا مايصلحوون اللي تقدموا
والله عوضـني بشخص محترم طيب رجال وتقدم لي رسمي ووافقت ..
والرجال هذا ابن صديق الوالد في العـمل ..
فيه المواصفات اللي ابيها ولله الحمد
اكثروا من قوول
اللهم لك الحمد والشكر كما يبنغي لجلال وجهك وعظيم سلطانك ..
منقول
لعيونكم
دمتم بود
